ملک بھر میں آج سے جمعے تک شدید بارشوں کا امکان ،کراچی پھر ڈوبنے کا خدشہ

ملک بھر میں آج سے جمعے تک شدید بارشوں کا امکان ،کراچی پھر ڈوبنے کا خدشہ
ملک بھر میں آج سے جمعے تک شدید بارشوں کا امکان ،کراچی پھر ڈوبنے کا خدشہ

  


لاہور (ڈیلی پاکستان آن لائن) ملک کے مختلف حصوں میں آج سے جمعہ تک شدید بارشوں کی پیش گوئی، کراچی میں بادل خوب برسے گا، وفاقی دارالحکومت اسلام آباد، لاہور، راولپنڈی، ،سرگودھا، گوجرانوالہ، فیصل آباد سمیت پنجاب کے کئی علاقوں میں جل تھل ایک ہونے کا خدشہ ہے، خیبر پختونخوا کے ہزارہ اور مالاکنڈ ڈویڑن میں بھی سیلابی صورتحال اور لینڈ سلائیڈنگ کے خطرے کی گھنٹی بج اٹھی۔محکمہ موسمیات کی جانب سے جاری نئے الرٹ کے مطابق بدھ سے جمعہ تک شدید سے طوفانی نوعیت کی بارشیں ہونے کا امکان ہے۔ یہ بارشیں ہزارہ، ملاکنڈ، پشاور، مردان، راولپنڈی، گوجرانوالہ، لاہور، سرگودھا، فیصل آباد ڈویژنوں اور اسلام آباد میں ہو سکتی ہیں جبکہ آزاد کشمیر میں بھی گرج چمک کے ساتھ بارش ہو سکتی ہے۔محکمہ موسمیات کے مطابق کوہاٹ، بنوں، ڈی آئی خان، ملتان اور ساہیوال ڈویژنوں کے ساتھ ساتھ گلگت بلتستان میں بھی جمعرات اور جمعہ کو بارشیں ہو سکتی ہیں۔ کراچی میں بھی بادل خوب برسیں گے جس سے کراچی کے ایک بار پھر پانی پانی ہونے کا خدشہ پیدا ہو گیا ہے۔شدید بارشوں سے ہزارہ، ملاکنڈ، راولپنڈی اور گوجرانوالہ میں سیلابی صورتحال پیدا ہونے کا خطرہ ہے۔ آزاد کشمیر، پشاور، راولپنڈی ، لاہور، سرگودھا، فیصل آباد اور ڈی جی خان ڈویڑن میں بھی سیلابی صورتحال پیدا ہو سکتی ہے۔شدید بارشوں ملاکنڈ، ہزارہ، ڈویژنوں اور گلگت بلتستان اور آزاد کشمیر میں لینڈ سلائیڈنگ کا بھی خدشہ ہے۔واضح رہے کہ گزشتہ 48گھنٹوں میں بارش کے باعث کراچی کے متعدد علاقے پانی میں ڈوب گئے جبکہ کرنٹ لگنے سمیت مختلف واقعات میں 18 افراد جاں بحق ہو گئے ہیں۔

مزید : اہم خبریں /علاقائی /پنجاب /لاہور


loading...