پاکستانی قوم اور مسلح افواج نے کامیابی سے چیلنجز کا مقابلہ کیا ، آرمی چیف

پاکستانی قوم اور مسلح افواج نے کامیابی سے چیلنجز کا مقابلہ کیا ، آرمی چیف
پاکستانی قوم اور مسلح افواج نے کامیابی سے چیلنجز کا مقابلہ کیا ، آرمی چیف

  


اسلام آباد(ڈیلی پاکستان آن لائن)آرمی چیف جنرل قمر جاوید باجوہ نے کہاہے کہ پاکستان کوگزشتہ دودہائیوں میں بے شمار چیلنجز کاسامنا کرنا پڑا، پاکستانی قوم اور افواج نے کامیابی سے چیلنجز کامقابلہ کیا ہے، نوجوان کی صلاحیتوں پر اعتماد ہے ، نوجوان نسل بھر پور صلاحیتوں کی حامل ہے ۔

آئی ایس پی آر سے جاری بیان کے مطابق آرمی چیف جنرل قمر جاوید باجوہ نے آئی ایس پی آر میں جاری انٹرن شپ پروگرام کے شرکاءسے خطاب کرتے ہوئے کہا کہ نوجوانوں کی صلاحیتوں پر اعتماد ہے ، زندگی میں کامیابی کیلئے شارٹ کٹ نہ ڈھونڈیں۔ انہوں نے کہا کہ پاکستان کی نوجوان نسل بھرپور صلاحیتوں کی حامل ہے ، امید ہے نوجوان نسل ملک کوحقیقی منزل کی طرف لے جانے میں کردار ادا کرے گی، چیلنجز سے نمٹنے کیلئے نوجوان نسل نے ہراول دستے کا کردار ادا کیا ہے ۔

انہوں نے کہا کہ اللہ تعالیٰ نے پاکستان کو متحرک اور ذہین نوجوانوں سے نوازا ہے ،نوجوان اپنی صلاحیتو ں پر اعتماد کریں،قانون کی بالادستی اور میرٹ اپنا کر ملک کو ترقی کی جانب لے جانے میں کردار ادا کریں۔آرمی چیف کا کہنا تھا کہ پاکستان کوگزشتہ دودہائیوں میں بے شمار چیلنجز کاسامنا کرنا پڑا، پاکستانی قوم اور افواج نے کامیابی سے چیلنجز کامقابلہ کیا ہے ۔

مزید : اہم خبریں /قومی


loading...