سندھ میں عید پر بلدیاتی اداروں کے افسران و ملازمین کی چھٹیاں منسوخ

سندھ میں عید پر بلدیاتی اداروں کے افسران و ملازمین کی چھٹیاں منسوخ

  

کراچی (آئی این پی)صوبہ سندھ کے وزیر بلدیات ناصر حسین شاہ کا کہنا ہے کہ عید پر متعلقہ بلدیاتی اداروں کے افسران و ملازمین کی چھٹیاں منسوخ کردی گئی ہیں، آلائشوں کو بر وقت ٹھکانے لگانے کے لیے متعلقہ عملہ مسلسل گشت پر ہوگا۔تفصیلات کے مطابق صوبائی وزیر بلدیات ناصر حسین شاہ کا کہنا ہے کہ عید پر عوام کے لیے متعلقہ اداروں نے مربوط اقدامات کیے ہیں، تمام بلدیاتی و ضلعی انتظامیہ کے افسران فیلڈ میں موجود رہیں گے۔وزیر بلدیات کا کہنا تھا کہ متعلقہ بلدیاتی اداروں کے افسران و ملازمین کی چھٹیاں منسوخ کردی گئی ہیں، عوام کو ریلیف دینا سندھ حکومت کی اولین ترجیح ہے۔ آلائشوں کو بر وقت ٹھکانے لگانے کے لیے متعلقہ عملہ مسلسل گشت پر ہوگا۔انہوں نے کہا کہ ضلعی انتظامیہ متعلقہ اداروں میں رابطے پر اہم کردار ادا کرے گی، کسی بھی مشکل صورتحال میں عوام متعلقہ ڈپٹی کمشنر کنٹرول روم سے رجوع کریں۔وزیر بلدیات کا مزید کہنا تھا کہ بلاول بھٹو اور وزیر اعلی سندھ نے عوام کو ریلیف کی خصوصی ہدایات دی ہیں، چیئرمین اور وزیر اعلی سندھ کے احکامات پر عمل کے لیے بلدیاتی افسران متحرک ہوں گے۔

چھٹیاں منسوخ

مزید :

صفحہ اول -