غلط نتائج اور فراڈکا خدشہ، ٹرمپ نے امریکی صدارتی الیکشن ملتوی کرنیکی تجویزدیدی

غلط نتائج اور فراڈکا خدشہ، ٹرمپ نے امریکی صدارتی الیکشن ملتوی کرنیکی ...

  

نیو یارک(مانیٹرنگ ڈیسک) امریکی صدر ڈونلڈ ٹرمپ نے کہا ہے کہ نومبر میں ہونے والے صدارتی انتخابات کو ملتوی کیا جائے، ڈاک کے ذریعے زیادہ ووٹنگ کی وجہ سے فراڈ اور غلط نتائج آ سکتے ہیں۔برطانوی خبر رساں ادارے کے مطابق صدر ٹرمپ نے مشورہ دیا کہ اس وقت تک انتخابات ملتوی رہیں جب تک لوگ مناسب اور محفوظ طریقے ووٹ نہیں ڈال سکتے۔صدر ٹرمپ کے دعوے کی سچائی ثابت کرنے کے لیے کوئی ثبوت نہیں ہے لیکن وہ کافی عرصے سے ڈاک کے ذریعے ووٹنگ کے خلاف بات کرتے رہے ہیں۔سماجی رابطے کی ویب سائٹ ٹویٹر پر انہوں نے لکھا کہ یونیورسل میل اِن ووٹنگ 2020ء نومبر کے ووٹ کو تاریخ کا سب سے زیادہ غلط اور دھوکے والا الیکشن بنا دے گی اور یہ امریکا کیلئے ایک بڑی شرمندگی ہو گی۔امریکی ریاستیں چاہتی ہیں کہ کورونا وائرس کی وبا سے ہونے والی صحت کے متعلق تشویش کی وجہ سے ڈاک کے ذریعے ووٹنگ آسان ہوگی۔اس ماہ کے آغاز میں چھ امریکی ریاستیں نومبر میں ہونے والے انتخابات ڈاک کے ذریعے کرانے کا منصوبہ بنا رہی تھیں۔ یہ ریاستیں اپنے تمام ووٹرز کو ڈاک کے ذریعے بیلٹ پیپر بھیجیں گی، جو یا تو ڈاک کے ذریعے واپس آئے گا یا پھر الیکشن کے دن مجوزہ مقامات پر واپس کر دیا جائے گا۔اگرچہ بذاتِ خود ووٹنگ کی سہولت بھی موجود ہے لیکن وہ محدود حالات میں ہی ہے۔ امریکا کی تقریباً آدھی ریاستیں ووٹروں کو ڈاک کے ذریعے درخواست پر ووٹ ڈالنے کی اجازت دیتی ہیں۔

الیکشن ملتوی

مزید :

صفحہ اول -