پشاور زلمی نے فاٹا سپر لیگ کے انعقاد کا اعلان کر دیا

پشاور زلمی نے فاٹا سپر لیگ کے انعقاد کا اعلان کر دیا

پشاور(آئی این پی)پاکستان سپر لیگ(پی ایس ایل) کی چیمپیئن پشاور زلمی نے کھیل کے فروغ کیلئے ایک اور قدم اٹھاتے ہوئے فاٹا سپر لیگ کے انعقاد کا اعلان کردیا جس کی میزبانی فاٹا کے چار گراؤنڈز کریں گے۔لیگ کا آغاز تین اپریل سے ہو گا اور یہ 13 اپریل تک جاری رہے گی۔ پشاور زلمی کی جانب سے بیان میں کہا گیا کہ فاٹا سپر لیگ میں 24 ٹیمیں حصہ لیں گی اور 11 روز تک جاری رہنے والے ایونٹ میں 67 میچز کھیلے جائیں گے۔ سلمان بٹ، عمر امین، محمد رضوان جیسے دیگر کھلاڑی بھی ایونٹ میں شرکت کریں جس سے اس کی اہمیت میں اضافہ ہو گا جبکہ اسے پاک فوج اور سیاستدانوں کی بھی مکمل حمایت حاصل ہو گی۔ یاد رہے کہ نومبر 2016 میں سابق آرمی چیف جنرل راحیل شریف نے قومی ٹیم کے سابق کپتان شاہد آفریدی کے ہمراہ خیبر ایجنسی میں کرکٹ اسٹیڈیم کا افتتاح کیا تھا۔

مزید : کھیل اور کھلاڑی