کراچی،ممکنہ ہیٹ اسٹروک ، اسپتالوں میں ہائی الرٹ
کراچی(اسٹاف رپورٹر)صوبائی محکمہ صحت نے ممکنہ ہیٹ اسٹروک سے نمٹنے کے لئے تمام سرکاری اسپتالوں کو ہائی الرٹ کر دیا ہے۔اس سلسلے میں ڈائریکٹر ہیلتھ سروسز کراچی وقائم مقام ڈی جی ہیلتھ سندھ ڈاکٹر محمد توفیق نے تمام سرکاری اسپتالوں کے ڈائریکٹرز و میڈیکل سپرنٹنڈنٹس کو ہدایت کی ہے کہ ممکنہ ہیٹ اسٹروک کے مریضوں کیلئے تیاری کی جائے۔اسپتالوں میں ہیٹ اسٹروک ٹریٹمنٹ سینٹرز قائم کیے جائیں۔ الگ بستر مختص کیے جائیں، عملے کو تعینات کیا جائے اور ادویات فراہم کرنے کے ساتھ ہیٹ اسٹروک کرائسز مینجمنٹ پلان آئندہ 24گھنٹوں میں فراہم کیا جائے۔
