29 مارچ تک بلوچستان میں ایران اور افغانستان سے 90 ہزار افراد داخل ہوئے اور ۔۔بڑا انکشاف ہو گیا

29 مارچ تک بلوچستان میں ایران اور افغانستان سے 90 ہزار افراد داخل ہوئے اور ...

  

کوئٹہ(ڈیلی پاکستان آن لائن ) بلوچستان میں 29 مارچ تک ایران اور افغانستان سے 90 ہزار 192 افراد کے داخل ہونے کا انکشاف ہوا ہے۔

نجی ٹی وی ایکسپرس نیوز کی رپورٹ کے مطابق 29 مارچ تک کوئٹہ ایئرپورٹ سے 12 ہزار 938 افراد، تربت کیچ ایئرپورٹ سے 174، تربت ریدگ پوائنٹ سے 218، گوادر گبد پوائنٹ سے 131، تفتان بارڈر سے 6 ہزار 428 افراد پاکستان میں داخل ہوئے۔

دوسری جانب چمن بارڈر قلعہ عبداللہ سے 67 ہزار 27،ژ وب بارڈر سے 513، پنج پائی بارڈر سے 2 ہزار 266 جب کہ پشین بارڈر سے 155افراد بلوچستان میں داخل ہوئے ہیں۔ ان تمام افراد کا ڈیٹا حاصل کرلیا گیا ہے۔ یہ تمام افراد ایران اور افغانستان سے داخل ہوئے ہیں۔ واضح رہے کہ حکومت کا موقف ہے کہ ایران سے آنے والے مریضوں کے باعث پاکستان میں کورونا وائرس پھیلا۔

مزید :

قومی -