"غیر ملکی ڈرامے پاکستانی پروڈکشن کو تباہ کردیں گے، پاکستانیوں کو چاہیے کہ وہ۔۔۔" فواد چودھری نے پی ٹی وی کو آڑے ہاتھوں لے لیا

اسلام آباد(ڈیلی پاکستان آن لائن) پاکستان میں آج کل ترک ڈرامہ سیریل ارطغرل غازی کے خوب چرچے ہورہے ہیں تاہم سرکاری ٹی وی پر غیر ملکی ڈرامہ دکھائے جانے پر فنکاربرادری اور عام شہریوں نے تنقید کرتے ہوئے اسے پاکستانی انڈسٹری کیلئے نقصان دہ قرار دیا ہے۔

غیر ملکی ڈراموں پر تنقید کرنے والوں میں پہلی بار ایک حکومتی وزیر بھی شامل ہوگئے ہیں۔ وفاقی وزیر سائنس و ٹیکنالوجی فواد چودھری نے کہا ہے کہ غیر ملکی ڈرامے پاکستانی پروڈکشن کو تباہ کردیں گے۔

سماجی رابطے کی ویب سائٹ پر کیے گئے ٹویٹ میں انہوں نے کہا کہ "حیران ہوں کہ پی ٹی وی ہوم دوسرے ممالک کی پروڈکشن پر فخر کررہا ہے۔ آپ کو چاہیے کہ پاکستانی پروڈکشن پر توجہ دیں ورنہ غیر ملکی ڈرامے پاکستانی پروڈکشنز کو تباہ کردیں گے۔ بیرون ممالک سے ڈرامے خریدنا ہمیشہ ایک سستا سودا رہا ہے تاہم اس کے ہماری اپنی پروڈکشن پر دوررس اثرات مرتب ہوتے ہیں"۔

Surprised on @PTVHomeOfficial taking pride on other countries productions,you guys must focus on Pak productions otherwise foreign dramas ll ruin Pak productions,its always cheap to import foreign dramas but this ll have devastating long term effect on our own programming

— Ch Fawad Hussain (@fawadchaudhry) May 31, 2020

غیر ملکی ڈراموں پر تنقید کے حوالے سے آج کل لوگوں کی بڑی تعداد انتہائی 'حساس ' ہوچکی ہے۔ اب ظاہر ہے حساس لوگوں نے تو فواد چودھری کو جواب دینا ہی تھا۔

بلال مصطفیٰ نامی ایک صارف نے انہیں جواب دیا کہ "میرے بھائی جب انڈین فلموں کی یلغار ملک پہ ھوتی تھی تب تیری یہ سوچ کہاں تھی جانی ؟"

میرے بھائی جب انڈین فلموں کی یلغار ملک پہ ھوتی تھی تب تیری یہ سوچ کہاں تھی جانی ؟

— میجر جنرل بلال مصطفیٰ گُل ریٹائرڈ ( تمغہ بسالت ) (@mustafa_hbilal) May 31, 2020

راحت نواز نے فواد کو مشورہ دیا کہ "دوسری وزارتوں میں ٹانگ نہ اڑائیں، وزیراعظم عمران خان کے حکم پر یہ ڈرامہ دکھایاجارہاہے جس کی ایک خاص ٹولے کو تکلیف ہورہی ہے"۔

Don't put your nose in other ministries.. PM khan k orders py ye drama dikhaya ja raha hai jis ki taklif ho rhi hai aik toly ko

— Rᴀʜᴀᴛ Nᴀᴡᴀᴢ Aʙʙᴀꜱɪ ???????? (@RahatNawaz7) May 31, 2020

جمشید نے تبصرہ کیا کہ"وزیر اعظم بول رہا ہے ترکی ڈرامہ دیکھنا چاہیے وزراء فرما رہے ہیں اپنے ڈرامے دیکھو جبکہ عوام انکا ڈرامہ دیکھ رہی ہے جو یہ قوم کے ساتھ کر رہے ہیں"

وزیر اعظم بول رہا ہے ترکی ڈرامہ دیکھنا چاہیے وزراء فرما رہے ہیں اپنے ڈرامے دیکھو جبکہ عوام انکا ڈرامہ دیکھ رہی ہے جو یہ قوم کے ساتھ کر رہے ہیں

— Jamshaid Khan (@PedaishiPatwari) May 31, 2020