لاک ڈاؤن سے متعلق حکومتی اعلان تک۔۔۔سندھ حکومت نے شہریوں کو خبردار کردیا

لاک ڈاؤن سے متعلق حکومتی اعلان تک۔۔۔سندھ حکومت نے شہریوں کو خبردار کردیا
لاک ڈاؤن سے متعلق حکومتی اعلان تک۔۔۔سندھ حکومت نے شہریوں کو خبردار کردیا

  

کراچی (ڈیلی پاکستان آن لائن) سندھ حکومت کے ترجمان بیرسٹر مرتضی وہاب نے عوام کو ہدایت دی ہے کہ لاک ڈاؤن سے متعلق حکومت کے اعلان تک افواہوں پر کان نہ دھریں۔

لاک ڈاؤن سے متعلق اپنے ویڈیو بیان میں ترجمان سندھ حکومت بیرسٹر مرتضی وہاب نے کہا کہ سوشل میڈیا پر افواہوں کے بعد شہریوں کی بڑی تعداد نے مارکیٹوں کا رْخ کیا، مارکیٹوں میں رش، احتیاطی تدابیر پر عمل نہ کرنا خطرناک ثابت ہو سکتا ہے۔بیرسٹر مرتضی وہاب نے کہا کہ عوام خوف کا شکار ہوں نہ ہی خوف پھیلانے کا باعث بنیں لہذا عوام حکومت کے اعلان تک افواہوں پر کان نہ دھریں ۔ ترجمان سندھ حکومت نے مزید بتایا کہ لاک ڈاؤن کے حوالے سے جو بھی فیصلہ ہو گا وفاقی حکومت کی مشاورت سے ہو گا۔ان کا کہنا تھا کہ اموات کی شرح میں روز بروز اضافہ ہو رہا ہے اس لیے احتیاط کرنی ہے تو کورونا سے کریں تاہم ہمیں کورونا کاشکار افراد سے سبق حاصل کرنا ہے۔

بیرسٹر مرتضی وہاب نے ہدایت کی کہ اگر عوام کو انتہائی ضروری کام سے نکلنا ہے تو ماسک پہنیں اور فاصلہ ضرور برقرار کھیں،عوام بنیادی اشیاء کی فراہمی سے متعلق ہرگزپریشان نہ ہوں،ضروری اشیاء کی دستیابی کا یقین دلاتے ہیں۔

مزید :

علاقائی -سندھ -کراچی -کورونا وائرس -