گرفتارکارکنوں کی رہائی کے لئے پی ٹی آئی کا وکلا ونگ حرکت میں آگیا
لاہور(مانیٹرنگ ڈیسک) پاکستان تحریک انصاف کے کارکنوں کی گرفتاریوں کے عمل کے بعد پی ٹی آئی قیادت نے وکلا ونگ کو تھانوں سے رابطہ کرنے کی ہدایت کردی ہے۔
تفصیلات کے مطابق حکومت کی جانب سے پنجاب پولیس کو تحریک انصاف کے کارکنوں کو گرفتار کرنے کا حکم دے دیا گیا تھا،جس کے بعد پنجاب بھر سے پی ٹی آئی کارکنوں کو سینکڑوں کی تعداد میں گرفتار کیا گیا ۔ کارکنوں کی گرفتاری کے بعد تحریک انصاف کی قیادت نے اپنے وکلا ونگ کو ہدایت کردی کہ وہ کارکنوں کی رہائی کے لئے فوری طور پرمتعلقہ تھانوں سے رابطہ کریں۔ پی ٹی آئی قیادت کا کہنا تھا کہ کارکنوں کو جلد از جلدرہا کروایا جائے۔
