تحریک انصاف کا عام انتخابات کے التوا کی مخالفت کا اعلان ،نواز شریف ایک اور این آر او کے لیے اداروں پر دباؤ ڈالیں گے:عمران خان

تحریک انصاف کا عام انتخابات کے التوا کی مخالفت کا اعلان ،نواز شریف ایک اور ...
تحریک انصاف کا عام انتخابات کے التوا کی مخالفت کا اعلان ،نواز شریف ایک اور این آر او کے لیے اداروں پر دباؤ ڈالیں گے:عمران خان

  

اسلام آباد(ڈیلی پاکستان آن لائن) پاکستان تحریک انصاف کے چیئرمین عمران خان نے عام انتخابات کے التوا کی مخالفت کا اعلان کردیا۔

سماجی رابطے کی ویب سائٹ ’’ ٹویٹر ‘‘ پر عمران خان نے عام انتخابات کے التوا کی مخالفت کا اعلان کرتے ہوئے کہا کہ ملک میں حکومت نام کی کوئی چیز نہیں اور نظام مفلوج ہو چکا ہے، عام انتخابات میں التوا کے لئے کوئی قانون سازی ہوئی تو مخالفت کریں گے۔اس سے قبل ایک اور ٹویٹ میں عمران خان کا کہنا تھا کہ نواز شریف کا لندن گیم پلان کھل کر سامنے آ چکا ہے، نواز شریف پارٹی پر اپنا غلبہ کرکے اداروں کو بدنام کریں گے اور جماعت کو نیب ،عدلیہ اور فوج پر دباؤ  ڈالنے کے لے استعمال کریں گے۔عمران خان کا کہنا تھا کہ نواز شریف ایک اور این آر او کے لیے اداروں پر دبا ؤ ڈالیں گے جب کہ انہیں اس کی پرواہ نہیں کہ قوم کو کتنا نقصان ہو رہا ہے؟ نواز شریف کو صرف لوٹ کر باہر رکھے گئے 300 ارب بچانے سے غرض ہے۔عمران خان کا کہنا تھا کہ وزیراعظم شاہد خاقان عباسی ملک کو بناناری پبلک بنارہے ہیں، شاہد خاقان عباسی نواز شریف کے وفادار بنے ہوئے ہیں اور قانون سے مفرور شخص کو وزیر خزانہ کے عہدے پر برقرار رکھا ہوا ہے۔

مزید : قومی