باپ کی لاعلمی تین معصوم بچوں کی جان لے گئی

باپ کی لاعلمی تین معصوم بچوں کی جان لے گئی
باپ کی لاعلمی تین معصوم بچوں کی جان لے گئی

  



ڈیرہ اسماعیل خان(ویب ڈیسک) ڈیرہ اسماعیل خان (ڈی آئی خان) کے نواحی علاقے در انب خورد میں دھماکہ ہونے سے تین بچے جاں بحق ہوگئے ہیں۔ دھماکہ کھلونا بم کے پھٹنے سے ہوا۔

ہم نیوز کے مطابق علاقہ پولیس کا کہنا ہے کہ جاں بحق ہونے والے بچوں کی عمریں پانچ سے نو سال کے درمیان ہیں اور وہ آپس میں بہن بھائی ہیں۔چینل ذرائع کے مطابق جاں بحق ہونے والے بچوں کے والد صفدر اقبال لاعلمی میں کھلونا بم گھر لے آئے تھے جس سے بچے کھیل رہے تھے کہ وہ اچانک پھٹ گئے۔

علاقہ مکینوں اور پولیس نے بتایا ہے کہ جاں بحق ہونے والے بچوں میں ایک لڑکی اور دو لڑکے ہیں جو آپس میں بہن بھائی ہیں۔پولیس کے مطابق جائے وقوعہ سے سارے ثبوت و شواہد اکھٹے کیے گئے ہیں اور مزید تحقیقات کا بھی آغاز کردیا گیا ہے تاکہ حقائق کی تہہ تک پہنچا جا سکے۔

مزید : علاقائی /خیبرپختون خواہ /ڈیرہ اسماعیل خان