فارن فنڈنگ کیس منی لانڈرنگ میں تبدیل،عمران خان مرکزی ملزم قرار،گرفتاری کا امکان

  فارن فنڈنگ کیس منی لانڈرنگ میں تبدیل،عمران خان مرکزی ملزم قرار،گرفتاری کا ...

  

        کراچی(مانیٹرنگ ڈیسک، نیوز ایجنسیاں) وفاقی تحقیقاتی ادارے (ایف آئی اے) نے فارن فنڈنگ کیس کو منی لانڈرنگ کیس میں تبدیل کرتے ہوئے عمران خان کو مرکزی ملزم نامزد کردیا، جس کے تحت انہیں طلبی کا نوٹس بھی جاری کیا گیا ہے اور پیش نہ ہونے پر اْن کی گرفتاری کے امکانات ہیں۔ایف آئی اے کراچی کی جانب سے منی لانڈرنگ کیس میں پی ٹی آئی چیئرمین عمران خان کو 31 اکتوبر کو طلبی کا دوسرا نوٹس اْن کی رہائش گاہ بنی گالہ اور زمان پارک لاہور کی رہائش گاہ کے ایڈریس پر بھیجا گیا ہے۔عمران خان کو ہدایت کی گئی ہے کہ وہ پیر اکتیس اکتوبر کو ایف اائی اے کراچی کے سامنے دستاویزات کے ساتھ حاضر ہوں۔ایف آئی اے نے مؤقف اختیار کیا کہ عمران خان نے بیرون ملک سے آنے والی کروڑوں روپے کی رقم اسلام ا?باد میں قائم نجی بینک کی جناح ایونیو برانچ سے نکلوائی اور اکاؤنٹ خود استعمال کیا۔ذرائع کے مطابق اگر عمران خان ایف ا?ئی اے کے سامنے پیش نہ ہوئے تو اْن کو گرفتار کرنے کا امکان ہے کیونکہ پی ٹی آئی چیئرمین نے حفاظتی ضمانت کے لیے عدالت سے رجوع نہیں کیا۔ایف آئی اے ذرائع کا کہنا ہے کہ فارن فنڈنگ کیس میں کراچی سے پی ٹی آئی کے تین اہم رہنماوں کی گرفتاری کا بھی امکان ہے جبکہ پیر کو عمران کے پیش نہ ہونے پر اگلے ہفتے ایف آئی اے کراچی کی ٹیم کاعمران کی گرفتاری کے لیے اسلام آباد یا لاہور روانہ ہوگی۔

منی لانڈرنگ

مزید :

صفحہ اول -