مظفر آباد(مانیٹرنگ ڈیسک)آزاد کشمیر میں 6بھائی ایک ہی دن دولہا بن گئے۔ نجی ٹی وی چینل 24نیوز کے مطابق یہ انوکھی شادی آزاد کشمیر کے شہر کوٹلی میں ہوئی جس میں 6بھائی ایک ہی تقریب میں رشتہ ازدواج میں منسلک ہو گئے۔
استاد شفیق کی طرف سے اپنے چھ بیٹوں کی ایک ساتھ شادی کرکے یہ نئی مثال قائم کی گئی ہے۔ شادی کی تقریب میں ان کے رشتہ داروں اور دوست احباب نے شرکت کی اور اس منفرد شادی پر خوشی کا اظہار کیا اور دولہوں کو زندگی کی نئی شروعات پر مبارکباد دی۔
روزنامہ پاکستان کا واٹس ایپ چینل جوائن کرنے کیلئے یہاں کلک کریں۔
واضح رہے کہ دسمبر 2021ءمیں ملتان میں اس سے بھی انوکھی شادی کی تقریب دیکھنے میں آئی تھی جہاں 6سگے بھائیوں کی 6سگی بہنوں کے ساتھ ایک ہی تقریب میں شادی ہوئی تھی۔ یہ تمام دولہا چچا کے بیٹے تھے جبکہ تمام دلہنیں ان کے تایا کی بیٹیاں تھیں۔