بھکر (ویب ڈیسک) جہانیاں اور بھکر میں بےنظیرانکم سپورٹ پروگرام سینٹر پرخواتین کا رش و بدنظمی بھگدڑ مچنے سے کئی خواتین کی حالت غیر ہوگئی ہے، جبکہ متعدد کے زخمی ہونے کی بھی اطلاعات ہیں۔
"آج نیوز" کے ذرائع کے مطابق جہانیاں میں بے نظیرانکم سپورٹ پروگرام سینٹر پر خواتین کا رش و بدنظمی کا واقعہ پیش آیا ہے۔جہاں سینٹر ہذا کے قیام کے پہلے روز ہی خواتین کی بڑی تعداد جمع ہوگئی تھی۔ خاطر خواہ انتظامات نہ ہونے سے مستحق خواتین کو مشکلات کا سامنا کرنا پڑا، حبس، دھکم پیل سے خواتین کی حالت غیر ہوگئی۔ متعدد خواتین زخمی ہو گئیں، ریسکیو نے طبی امداد فراہم کی ۔
دوسری جانب بھکرمیں بینظیرانکم سپورٹ پروگرام کے تحت رقوم کی تقسیم میں بھی بھگدڑ مچ گئی۔