چیئرمین جوائنٹ چیفس آف سٹاف کمیٹی جنرل ساحر شمشاد مرزا کا دفاعی نمائش کا دورہ , غیر ملکی وفود سے ملاقاتیں
کراچی ( ڈیلی پاکستان آن لائن )ڈیفنس ایکسپورٹ پروموشن آرگنائزیشن کے زیراہتمام کراچی میں بین الاقوامی دفاعی نمائش آئیڈیاز 2024 کا انعقاد کیا گیا ہے۔
مسلح افواج کے شعبہ تعلقات عامہ آئی ایس پی آر کے مطابق چیئرمین جوائنٹ چیفس آف سٹاف کمیٹی جنرل ساحر شمشاد مرزا نے جمعرات کو نمائش کا دورہ کیا۔
آئی ایس پی آر کے مطابق جنرل ساحر شمشاد مرزا نے نے ترکیہ، آذربائیجان، جنوبی افریقہ اور ارجنٹائن کے وزراء دفاع، افواج کے کمانڈرز سے ملاقاتیں بھی کیں۔
انھوں نے اس موقع پر ملائیشیا، متحدہ عرب امارات، کمبوڈیا، گیمبیا، برونائی اور مالدیپ کے وزراء دفاع اور فوجی کمانڈرزسے ملاقاتیں کیں۔ ملاقاتوں کے دوران دفاعی اور سیکیورٹی تعلقات کے پہلوؤں پر تبادلہ خیال کیا گیا۔
آئی ایس پی آر کے مطابق فریقین نے دو طرفہ سیکیورٹی اور تعاون کے مختلف شعبوں بالخصوص دفاعی پیداوار پر تبادلہ خیال کیا۔
