سموگ جنوبی ایشیائی باشندوں کو کس طرح ہلاک کر رہی ہے؟وہ بات جو شاید آپ کو معلوم نہیں

لاہور (ویب ڈیسک) موسمیاتی تبدیلیوں سےجنوبی ایشیا کے ترقی پذیر ممالک زیادہ متاثر ہورہے ہیں، ایسے میں موسم کے کروٹ بدلتے ہی لاہور اور گردونواح کے اضلاع کے شہریوں کیلئے سانس لینا محال ہوچکا ہے ، ہسپتالوں میں رش بڑھ گیا ہے اور کہا جارہاہےکہ سموگ دراصل شہریوں کو بڑی تعداد میں ہلاک کررہی ہے ۔ 
ایکسپریس ٹربیون کیلئے ڈاکٹر رانا جواد اصغر نے لکھا کہ کچھ مطالعات کے مطابق، ماحولیاتی آلودگی نے بھارت اور پاکستان کے شہریوں کی اوسط عمر میں چار سال کی کمی کر دی ہے۔ یہ عالمی اوسط کے مقابلے میں تقریباً دگنا کم ہے۔
اقوام متحدہ کے ماحولیاتی پروگرام کے مطابق، تقریباً نصف اموات جو دائمی سانس کی بیماری (چروینک پلمونری اوبسٹرکٹو ڈیزیز) کی وجہ سے ہوتی ہیں، ان کا سبب باریک ذرات پر مشتمل فضائی آلودگی ہوسکتی ہے۔ اس کے علاوہ، 30 فیصد اموات جو نچلی سانس کی نالی کی انفیکشنز سے ہوتی ہیں، سموگ کے سبب ہیں لیکن بہت کم لوگ اس بات سے واقف ہیں کہ یہ دل کے امراض اور فالج سے ہونے والی اموات کا تقریباً 30 فیصد ذمہ دار بھی ہے۔ 
یہ پھیپھڑوں اور دیگر سانس کی نالی کے کینسر کا تقریباً 20 فیصد سبب بھی ہے۔ حالیہ مطالعات میں یہ بریسٹ اور دیگر کینسرز کا سبب بھی پایا گیا ہے۔ 
اس کے علاوہ،  سموگ قبل از وقت پیدا ہونے والے بچوں میں مختلف مسائل کا سبب بنتی ہے، جن میں دماغی صلاحیتوں میں کمی اور نوزائیدہ اموات شامل ہیں۔ اس سے ذیابیطس کے کیسز میں اضافے کا سبب بھی بنتی ہے۔