لاہور(ڈیلی پاکستان آن لائن) پاکستان میں سہ ملکی سیریز اور چیمپئنز ٹرافی کیلئے نیوزی لینڈ کے سکواڈ کا اعلان کر دیا گیا۔
نجی ٹی وی چینل ہم نیوز کے مطابق نیوزی لینڈ کرکٹ بورڈ کی جانب سے جاری کردہ سکواڈ کی فہرست کے مطابق مچل سینٹنرز ٹیم کی قیادت کریں گے۔سکواڈ میں کین ولیمسن بھی شامل ہیں تاہم وہ بطور سینئر کھلاڑی ٹیم کا حصہ ہوں گے۔
سکواڈ میں ڈیرل مچل، مائیکل بریسویل، مارک چیمپین، ڈیون کونوے، لوکی فرگوسن، رچن رویندرا، میٹ ہینری، ٹائم لیتھم، گلین فلپس، ول او رورکی، بین سیئرز، نیتھن اسمتھ اور ول ینگ بھی شامل ہیں۔
واضح رہے کہ سہ ملکی سیریز میں نیوزی لینڈ کی ٹیم 8 فروری کو پاکستان اور 10 فروری کو جنوبی افریقہ کے خلاف کھیلے گی۔بعد ازاں چیمپئنز ٹرافی کے پہلے میچ میں کیویز 19 فروری کو گرین شرٹس کے مدمقابل آئے گی۔ سہ فریقی سیریز کا فائنل 14 فروری کو کراچی میں کھیلا جائے گا۔
چیمپیئنز ٹرافی سے قبل نیوزی لینڈ کی ٹیم 16 فروری کو کراچی میں افغانستان سے وارم اپ میچ کھیلے گی۔