کراچی(آئی این پی)54 کروڑ روپے کی خورد برد کے مقدمے میں گرفتار بینک الفلاح سیکورٹیز کے سابق سی ای او اور معروف پاکستانی ماڈل نادیہ حسین کے خاوند عاطف محمد خان کے شریک ملزم نے ضمانت حاصل کرلی۔
کراچی میں سیشن عدالت کے روبرو کروڑوں روپے کابینک فراڈ کے مقدمے میں شریک ملزم سہیل محمود شیخ کی درخواست ضمامت پر سماعت ہوئی۔عدالت نے ملزم سہیل محمود شیخ کی ضمانت منظور کرتے ہوئے 2 لاکھ روپے کے مچلکے جمع کرانے کا حکم دیدیا۔درخواست گزار کے وکیل فیض درانی ایڈووکیٹ نے مقف دیا کہ سہیل محمود شیخ کا اس مقدمہ سے کوئی تعلق نہیں ہے۔
سہیل محمود شیخ 2016 سے 2019 تک چیف فنانس آفیسر رہے ہیں، عاطف خان کے کسی جرم سے سہیل محمود شیخ کا تعلق نہیں۔انہوں نے موقف اپنایا کہ ایف آئی اے نے نجی بینک کے سیکیوٹیز ہیڈ کی شکایت پر مقدمہ درج کیا ہے، ملزم عاطف خان ڑیمانڈ پر ہے۔