اسلام آباد (ڈیلی پاکستان آن لائن) سابق وفاقی وزیر فواد چوہدری نے کہا کہ ہم اسے آئینی ترامیم نہیں بلکہ پی سی او کہیں گے۔ اگر یہ آئینی ترمیم ہوگئی تو فیڈریشن، سپریم کورٹ اور چیف جسٹس کا عہدہ ختم ہو جائے گا۔
سابق وفاقی وزیر فواد چوہدری نے میڈیا سے گفتگو کرتے ہوئے چیئرمین پاکستان پیپلز پارٹی بلاول بھٹو زرداری کے قائد اعظم محمد علی جناح سے متعلق بیان کو شوشا قرار دیا۔انہوں نے کہا کہ اگر یہ آئینی ترمیم ہوگئی تو فیڈریشن، سپریم کورٹ اور چیف جسٹس کا عہدہ ختم ہو جائے گا۔ اور ہم اسے آئینی ترامیم نہیں بلکہ پی سی او کہیں گے۔فواد چوہدری نے کہا کہ بلاول بھٹو تاریخ سے بالکل نابلد ہیں۔ قائد اعظم سے منسوب ان کا آئینی عدالت کا بیان شوشا ہے کیونکہ اس وقت برصغیر پاک و ہند میں تو کورٹ کا وجود ہی نہیں تھا۔ بلکہ اس وقت پِری وی کونسل ہوا کرتی تھی جس کا وجود لندن میں تھا۔انہوں نے کہا کہ اس وقت قائد اعظم نے قانونی معاملات کے حل کے لیے پِری وی کونسل برصغیر میں قائم کرنے کی بات کی تھی۔ نہ کہ کسی آئینی عدالت کے قیام کی۔ بلاول بھٹو کو کسی نے کہہ دیا ہو گا اور انہوں نے بول دیا۔