لاہور ( ڈیلی پاکستان آن لائن )گوجرانولہ ڈویژن کے کتنے طلباء کو سکالر شپ ملیں گے ۔۔؟ اس حوالے سے اہم تفصیلات سامنے آئی ہیں ۔
علم ویقین کا قافلہ شہر اقبال پہنچ گیا۔وزیر اعلیٰ مریم نواز نے گوجرانولہ ڈویژن کیلئے ہونہار سکالرز شپ پروگرام لانچ کر دیا۔یونیورسٹی کی 10 ٹاپر طالبات کووزیر اعلیٰ مریم نواز نے ہونہار سکالر شپ کے چیک تقسیم کیے۔وزیر اعلیٰ مریم نواز کی گورنمنٹ کالج یونیورسٹی سیالکوٹ آمد پر طلباء کا جوش وخروش دیدنی تھا ۔وزیر اعلیٰ مریم نواز نے قومی ترانہ، ملی نغمہ، نعت اور تلاوت قرآن مجید پیش کر نے والے طلباء کو شاباش دی اوراظہار شفقت کیا۔وزیر اعلیٰ مریم نواز نے کلام اقبال پیش کرنے والے طلباء کے ساتھ سیلفی اور تصویر بنائی۔''جوانوں کو پیرو کا استاد کر دے'' مصرع پڑھنے پر خوب تالیاں بجیں۔وزیر اعلیٰ مریم نواز کی ہدایت پر ہونہار طلباء کے اعزاز میں گارڈ آف آنر پیش کیا۔پنجاب پولیس کے چاق وچوبند دستے نے جنرل سلامی پیش کی۔گوجرانولہ ڈویژن کے دور دراز علاقوں کے طالبات علینہ اور نایاب فاطمہ کے تعلیمی داستان سنانے پر رقت آمیز مناظر دیکھے۔علینہ سعید نے وزیر اعلیٰ مریم نواز کو طلباء کا محسن قرار دیا۔نایاب فاطمہ نے اپنے کینسر کی مریضہ والدہ کے بارے بتایا۔ وزیر اعلیٰ نے بچی کو گلے لگایا پیار کیا اور والدہ کے علاج کی ذمہ داری اٹھانے کا اعلان کیا۔کمسن بچے نے سٹیج پر وزیر اعلیٰ مریم نواز کے ساتھ کام سیلفی بنائی۔
وزیر اعلیٰ مریم نواز شریف نے سیکیورٹی کو روک کر طالبات کو پاس بلا لیا۔وزیر اعلیٰ مریم نواز فرداً فرداً خود جاکر ارکان اسمبلی سے ملاقات کی۔فائن آرٹس کے طلباء نے وزیرِ اعلی مریم نواز کو پووٹرریٹ پیش کیا۔طالبات نے وزیر اعلیٰ مریم نواز صنف آہن قرار دیتے ہو ئے تصویر پیش کی۔گوجرانولہ ڈویژن کے1947 طلباء کو 8کروڑ 98 لاکھ کے سکالر شپ ملیں گے۔سرکاری یونیورسٹیوں کے 1276 طلباء کو 5کروڑ 85 لاکھ اور کالجز481 طلباء کو 1 کروڑ 32 لاکھ کے سکالرشپ ملیں گے۔معیاری نجی اداروں کے112 طلباء اور میڈیکل کالج کے78 طلباء کو سکالرشپ ملیں گے۔