لندن (ویب ڈیسک) سینئرصحافی اظہر جاوید نے دعویٰ کیا ہے کہ علیمہ خان کے عمران خان کے بچوں کی پاکستان آمد سے متعلق اعلان پر بچوں کی والدہ جمائما خان نےسخت ناپسندیدگی کا اظہار کیا۔
اپنے ایک ولاگ میں اظہر جاوید کاکہناتھاکہ علیمہ خان نے سلیمان اور قاسم کو پاکستان لانے کا اعلان تو کردیا لیکن لگتا ہے کہ اس سے پہلے مشاورت نہیں کی گئی کیونکہ ذرائع بتارہے ہیں کہ علیمہ خان اور جمائما خان کے درمیان اچھی خاصی لڑائی ہوئی ،بحث ہوئی کہ کیوں بغیر پوچھے مشاورت کے بغیر پاکستان آنے کا اعلان کردیا۔
ذرائع مزید بتاتے ہیں کہ جما ئمااس کے بالکل خلاف ہیں کہ بچے پاکستان جا کر کسی بھی سیاسی تحریک کا حصہ بنیں، کیونکہ وہ تحریک انصاف کاریکارڈ جانتی ہیں چاہے وہ 9مئی ہو یا26نومبر، جس طرح پرتشدد تحریک چلانےکی کوشش کی گئی ، جس طرح سے آگ اور خون کا کھیل کھیلاگیا، جس طرح سے آگ لگائی گئی، جمائما نے علیمہ کو فون کرکے سخت ناپسندیدگی کا اظہار کیا کہ انہوں نے کیوں ان کے بیٹوں کا نام لیا کہ وہ آکر سیاسی تحریک چلائیں۔