دبئی(ڈیلی پاکستان آن لائن)انٹرنیشنل کرکٹ بورڈ(آئی سی سی)نے انڈین کرکٹ بورڈ سے چیمپئنز ٹرافی کیلئے پاکستان نہ آنے کی تحریری وجوہات مانگ لیں ۔
نجی ٹی وی چینل جیو نیوز کے مطابق ذرائع کاکہنا ہے کہ پاکستان کرکٹ بورڈ نے آئی سی سی سے بھارتی خط کی تحریری کاپی مانگی تھی ،بھارتی کرکٹ بورڈ نے آئی سی سی کو پاکستان نہ جانے کے بارے میں زبانی آگاہ کیا تھا۔
ذرائع کاکہنا ہے کہ آئی سی سی نے بھارتی کرکٹ بورڈ کو تحریری وجوہات بیان کرنے کاکہا ہے ،پاکستان تحریری وجوہات ملنے پر ان کے حق میں ٹھوس شواہد مانگ سکتا ہے،ذرائع کا مزید کہنا ہے کہ قوانین کے مطابق بھارتی کرکٹ بورڈ کو پاکستان نہ جانے کی ٹھوس وجوہات دینا ہوگی، آئی سی سی کو وجوہات کا جائزہ لے کر بھارت کے بارے میں حتمی فیصلہ کرنا ہوگا، پاکستان نہ جانے کی وجوہات جائز نہ ہوئیں تو بھارتی کرکٹ ٹیم کو آنے کا کہا جائے گا،بھارت نہ مانا تو چیمپیئنزٹرافی میں 9ویں ٹیم کو شامل کیا جا سکتا ہے۔