لاہور (ویب ڈیسک) پاکستان سپر لیگ (پی ایس ایل) کی چیمپئن ٹیم لاہور قلندرز کے سی ای او عاطف رانا کا کہنا ہے کہ لاہور قلندرز کی ٹیم پی ایس ایل 9 میں اس مرتبہ کراچی میں اپنی قسمت آزمائے گی۔
"جیونیوز" کے مطابق عاطف رانا نے کہا کہ لاہور میں 2 مرتبہ بیک ٹو بیک پی ایس ایل ٹرافی جیتی، کراچی میں ایک مرتبہ فائنل ہارے لیکن اس مرتبہ جیتیں گے۔ پی ایس ایل 9 کے لیے تیاری اچھی ہے ٹیم تیار ہو چکی ہے، اب میدان میں اچھا پرفارم کرنا ہے، لاہور کے بعد اب کراچی میں بھی اچھی پرفارمنس ہوگی اور ٹائٹل جیتیں گے، پی ایس ایل 9 کا ایک اچھا شیڈول ترتیب دیا گیا ہے، خواہش تھی کہ فائنل لاہور میں ہوتا لیکن کوئی بات نہیں،لاہور قلندرز کے گزشتہ برس 13 میچز ہاؤس فل تھے، امید ہے کہ فینز اس مرتبہ بھی لاہور قلندرز کی پذیرائی کریں گے۔
انہوں نے مزید کہا کہ پی ایس ایل کے چیلنجز پہلے سے بڑھ چکے ہیں، مارکیٹ چھوٹی ہے، مالی مسائل بھی ہیں، دیگر لیگز کے انعقاد سے بھی مسائل ہیں لیکن پی ایس ایل کے چیلنجز پہلے روز سے ہیں، امید ہے کہ پی ایس ایل کا برانڈ مزید بڑھے گا تو چیلنجز کم ہوں گے ۔