میلبرن (ویب ڈیسک) قومی ٹیم کے فاسٹ بولر حارث رؤف نے پاک بھارت میچ میں ویرات کوہلی کی وکٹ لینے کی خواہش کا اظہار کیا ہے۔
جیو نیوز کے مطابق آئی سی سی ٹی ٹوئنٹی کے سوشل میڈیا پیج پر حارث رؤف کی ایک ویڈیو شیئر کی گئی ہے جس میں ان سے پوچھا گیا کہ اس ٹورنامنٹ میں آپ کس بیٹر کو آؤٹ کرنے کی خواہش رکھتے ہیں ؟
آئی سی سی ٹی ٹوئنٹی ورلڈکپ کے سپر 12 مرحلے کا سب سے بڑا مقابلہ پاک بھارت ٹاکرا کل میلبرن کرکٹ گراؤنڈ میں ہوگا، اس میچ کے بارش سے متاثر ہونےکی پیش گوئی کی گئی ہے تاہم اب میلبرن کے موسم میں بتدریج بہتری آرہی ہے جس کے بعد دونوں ٹیموں کو امید ہے کہ آج کا میچ ضرور ہو گا۔