کراچی ( ڈیلی پاکستان آن لائن ) کراچی ایئرپورٹ پر رائل سروس ٹرمینل سے ضبط شدہ سامان کی چوری کا انکشاف ہوا ہے۔
ڈی جی پوسٹ کلیئرنس آڈٹ کے مطابق 23 ملین روپے مالیت کے ضبط شدہ سرکاری سامان میں ہیرا پھیری کی گئی، مختلف کمپنیوں نے سرکاری سامان میں ہیرا پھیری کی۔
ڈی جی پی سی اے چودھری ذوالفقارعلی نے بتایا کہ کمپنیاں مشین کے پرزے، الیکٹرانک آئٹمز، ایلومینیم شیٹس کی چوری میں ملوث تھیں، چوری میں ملوث کمپنیوں کے خلاف مقدمات درج کر لئے گئے ہیں، کمپنیوں نے کراچی ایئرپورٹ کے گڈز ٹرمینل سے سرکاری املاک کو چوری کیا۔
ڈی جی پی سی اے نے مزید بتایا کہ کمپنیوں کی جانب سے چوری کے باعث سرکاری خزانے کو نقصان پہنچا۔