لاہور (ڈیلی پاکستان آن لائن) اے این ایف کا تعلیمی اداروں کے اطراف اور ملک کے مختلف شہروں میں منشیات اسمگلنگ کے خلاف کریک ڈاؤن، 3 کارروائیوں کے دوران 5 ملزمان گرفتار کر لئے گئے۔
ترجمان کے مطابق کارروائیوں میں 49لاکھ روپے سے زائد مالیت کی 62.989کلوگرام منشیات برآمد کی گئی۔
رنگ روڈ پشاور کے قریب 2ملزمان کے قبضے سے 3.6کلوگرام چرس برآمد ، گرفتار ملزمان کا تعلیمی اداروں کے طلباء کو منشیات فروخت کرنے کا اعتراف
علامہ اقبال ایئرپورٹ پر بحرین جانیوالے مسافر کے سامان سے 1.5کلو گرام آئس برآمد ، ملزم گرفتار
حیدرآباد میں مسافر بس میں سوار 2 مسافروں کے سامان میں موجود پیپر رولر میں چھپائی گئی 57.6 کلوگرام چرس برآمد ، ملزمان گرفتار
ترجمان اے این ایف کا کہنا ہے کارروائیوں کا انسداد منشیات ایکٹ 1997 کے تحت مقدمات درج کر کے تحقیقات کا آغاز کر دیا گیا ہے۔