نیویارک(این این آئی)اقوام متحدہ کی جنرل اسمبلی کے موقع پر فلسطینی عوام کے حق میں جنرل اسمبلی کے سامنے بڑا احتجاجی مظاہرہ کیا گیا جس میں مختلف ملکوں کے نمائندے اور انسانی حقوق کے کارکنان شریک ہوئے۔ مظاہرین نے اسرائیلی مظالم کی مذمت کرتے ہوئے عالمی برادری سے عملی اقدامات کا مطالبہ کیا۔وزیراعظم یوتھ پروگرام کے فوکل پرسن سید ذیشان نقوی نے اسرائیل کے خلاف مظاہرے سے خطاب کرتے ہوئے کہا کہ اقوام عالم کو اسرائیلی دہشت گردانہ اقدامات روکنے کے لیے سنجیدہ اور عملی اقدامات اٹھانا ہوں گے۔ انہوں نے کہا کہ غزہ میں جاری نسل کشی پر اسرائیلی وزیراعظم نیتن یاہو کو دہشت گرد قرار دیا جانا چاہیے۔سید ذیشان نقوی نے مزید کہا کہ وزیراعظم شہباز شریف اسرائیلی درندگی اور انسانی حقوق کی سنگین خلاف ورزیوں کو جنرل اسمبلی کے اجلاس میں بھرپور انداز میں اٹھائیں گے۔ انہوں نے کہا کہ مسلم سربراہان نے امریکی صدر ڈونلڈ ٹرمپ سے ملاقات میں غزہ میں فوری جنگ بندی کے لیے اقدامات کرنے کا مطالبہ کیا ہے۔
نیویارک