جوئے کی آن لائن تشہیر ، سوشل میڈیا انفلوئنسرز اقرا کنول عرف سسٹرولوجی، ندیم مبارک عرف نانی والا اور محمد حسنین شاہ کے خلاف 3 مقدمات درج
لاہور (ڈیلی پاکستان آن لائن) نیشنل سائبر کرائم انویسٹی گیشن ایجنسی جوئے کی آن لائن تشہیر کرنے والے یوٹیوبرز کے خلاف متحرک، معروف سوشل میڈیا انفلوئنسرز اقرا کنول عرف سسٹرولوجی، ندیم مبارک عرف نانی والا اور محمد حسنین شاہ کے خلاف 3 مقدمات درج کر لیے۔
تحقیقاتی ایجنسی نے متعلقہ افراد کو مؤقف جاننے کے لیے 3 مرتبہ طلب کیا لیکن انہوں نے جان بوجھ کر تفتیش میں شامل ہونے سے گریز کیا۔ تینوں افراد پر الزام ہے کہ وہ غیر قانونی آن لائن ٹریڈنگ ایپلیکیشنز کی تشہیر میں ملوث رہے ہیں۔ مقدمہ متن کے مطابق تینوں افراد پاکستانی عوام کو منافع کے لالچ میں ڈال کر ان ایپس میں سرمایہ کاری کے لیے اکساتے اور گمراہ کرتے رہے۔
