سٹیٹ بینک آف پاکستان نے گھر، فلیٹ، پلاٹ کی خریداری اور تعمیر کیلیے ’’میرا گھر میرا آشیانہ‘‘  سکیم شروع کردی

کراچی (ویب ڈیسک) سٹیٹ بینک آف پاکستان نے گھر، فلیٹ، پلاٹ کی خریداری اور تعمیر کے لیے’’میرا گھر میرا آشیانہ‘‘سکیم شروع کردی ہے۔ 

’’جیونیوز‘‘ کے مطابق سکیم کے تحت پہلی مرتبہ گھر خریدنے والے 20  لاکھ سے 35  لاکھ روپے تک قرض حاصل کرسکیں گے۔سٹیٹ بینک آف پاکستان کے مطابق پہلی مرتبہ گھر خریدنے والے سکیم سے قرض حاصل کرنے کے اہل ہوں گے۔ جن کی مالیت 20 لاکھ سے 35 لاکھ روپے ہوگی۔  اس قرض کا دورانیہ 20 سال ہوگا البتہ سبسڈی10  سال کے لیے فراہم کی جائے گی۔

مرکزی بینک کے مطابق تمام روایتی اور اسلامی بینک، مائیکروفنانس بینک اور ایچ بی ایف سی قرض فراہم کریں گے۔ بینک قرض کی پرائسنگ کائیبور پلس 3 فیصد کی شرح سے کریں گے۔ صارف کو 20  لاکھ تک قرض 5  فیصد اور 35 لاکھ قرض 8  فیصد پر فراہم ہوگا۔ قرض کی پروسسنگ کی کوئی فیس نہیں ہوگی۔