ایشیا کپ کی تاریخ میں پہلی بار پاکستان اور انڈیا فائنل کھیلیں گے

دبئی (ڈیلی پاکستان آن لائن) سپر فور مرحلے میں بنگلہ دیش کو ہرانے کے بعد  پاکستان نے ایشیا کپ کے فائنل کیلئے کوالیفائی کرلیا ہے ۔ فیصلہ کن معرکے میں اس کا مقابلہ روایتی حریف بھارت کے ساتھ ہوگا۔ یہ ایشیا کپ کی تاریخ میں پہلا موقع ہے جب دونوں ٹیمیں فائنل میں ایک دوسرے سے ٹکرائیں گی۔

ایشیا کپ کا آغاز 1984 میں ہوا تھا اور اب تک یہ 17 واں ٹورنامنٹ کھیلا جا رہا ہے۔ ان 41 سالوں میں ایک بار بھی پاکستان اور بھارت کا فائنل میں آمنا سامنا نہیں ہوا۔ یہ پہلا موقع ہے جب روایتی حریف اتوار کو آپس میں ٹکرانے جا رہے ہیں۔ حالیہ ایشیا کپ میں دونوں ٹیموں جے درمیان دو میچز ہوچکے ہیں جن میں فتح بھارت کے نام رہی۔