لاہور میں شوہر کی غیرموجودگی میں جیٹھ کی بھابھی سے زیادتی، ملزم کو گرفتار کر لیا گیا

لاہور (ڈیلی پاکستان آن لائن) مانگا منڈی کے علاقے میں جیٹھ نے بھابھی کو زیادتی کا نشانہ بنا ڈالا، پولیس نے شام کے بھٹیاں سے ملزم کو ٹریس کرکے گرفتار کر لیا ۔

ایس پی صدر رانا حسین طاہر کا کہنا ہے متاثرہ  خاتون کے تھانے میں درخواست دینے پر ملزم گھر سے فرار تھا، متاثرہ خاتون کی ملزم کے بھائی سے 2 سال قبل شادی ہوئی تھی ، ملزم مقصود احمد نے بھائی کی غیر موجودگی میں بھابھی کے ساتھ زیادتی کی ۔ گرفتار  ملزم کیخلاف مقدمہ درج کر کے جینڈر سیل کے حوالے کر دیا گیا ہے۔

ایس پی صدر رانا حسین طاہر نے مزید کہا گھناؤنے جرم میں ملوث ملزم کو کیفر کردار تک پہنچایا جائے گا، زیادتی جیسے گھناأنے جرائم میں ملوث عناصر کسی رعایت کے مستحق نہیں۔