کیف ( مانیٹرنگ ڈیسک )یوکرین کے صدر ولادی میر زیلنسکی نے روس سے جنگ کے خاتمے کے بعد’’بڑی پیشکش ‘‘کردی۔
’’جیو نیوز ‘‘ نے غیر ملکی خبر ایجنسی کے حوالے سے رپورٹ کیا ہے کہ امریکی نیوز ویب سائٹ سے خصوصی گفتگو میں یوکرین کے صدر ولادی میر زیلنسکی نے کہا ہےکہ روس سے جنگ کے خاتمے کے بعدعہدہ چھوڑنے کو تیار ہوں۔
رپورٹ کے مطابق ولادی میر زیلنسکی نےکہا کہ میرا مقصد جنگ ختم کرنا ہے، ناکہ صدارت کے عہدے پر براجمان رہنا ہے۔
واضح رہے کہ روس اور یوکرین کے درمیان سال 2022 ءسے جاری جنگ میں اب تک دونوں جانب سے لاکھوں فوجی اور عام شہری ہلاک اور زخمی ہوچکے ہیں جب کہ جنگ بندی کی متعدد کوششیں کی گئیں جو اب تک ناکام رہیں۔