لاہور (ڈیلی پاکستان آن لائن) ہنجروال کے علاقے میں 50 سالہ رفیق کے اندھے قتل کی ملزمہ بیوی کو بیٹے سمیت گرفتارکر لیا گیا۔
ایس پی اقبال ٹاؤن کےمطابق مقتول رفیق ہنجروال بارا سٹریٹ میں فیملی کے ساتھ رہائش پذیر تھا، مقتول کی بیوی ارشاد بی بی کا عرصہ 6 ماہ سے دولت خان نامی شخص سے ناجائز تعلق قائم ہوا، جس کے متعلق خاوند رفیق کو علم ہو گیا اور گھر میں ناچاقی اور لڑائی جھگڑا رہنے لگا تھا۔ ملزمہ ارشاد بی بی نے 15 سالہ بیٹے مجاہد کے ساتھ مل کر خاوند کو ملک شیک میں نشہ آور گولیاں دی، مقتول رفیق کے بے ہوش ہو جانے پر بیوی نے گلہ دبا کر خاوند کا قتل کر دیا۔
پولیس کے مطابق ملزمہ نے خاوند کے قتل کو طبی موت قرار دے کر خاندان سے مل کر تدفین کروا دی، ہنجروال پولیس کی جانب سے تفتیش کرنے پر ملزمہ ارشاد بی بی اور بیٹے مجاہد نے جرم قبول کر لیا۔ملزمہ ارشاد بی بی اور بیٹے مجاہد کے خلاف مقتول رفیق کی بہن کی مدعیت میں مقدمہ درج کر کے انویسٹی گیشن ونگ کے حوالے کر دیا گیا۔