کراچی(ڈیلی پاکستان آن لائن) پاکستان کرکٹ ٹیم کے کپتان نے میچ کے بعد گفتگو کرتے ہوئے ٹیم کی کارکردگی پر اطمینان کا اظہار کیا اور ماضی کی ناکامیوں کو بھلا کر آگے بڑھنے کی اہمیت پر زور دیا۔
انہوں نے کہامیں نے کھلاڑیوں سے کہا کہ جو کچھ گزر چکا ہے وہ ماضی کا حصہ ہے، جس طرح کھلاڑیوں نے گیند کے ساتھ شروعات کی، وہ شاندار تھی اور ہماری بنیاد رکھی، اس کے بعد صائم ایوب کی اننگز غیر معمولی تھی۔
کپتان نے اسپنر ابرار احمد کی کارکردگی کی تعریف کرتے ہوئے کہا،ابرار ایک غیر معمولی اور باصلاحیت بولر ہیں، بدقسمتی سے وہ زخمی ہوگئے اور انہیں زیادہ موقع نہیں مل سکا، آج جو انہوں نے بولنگ کی، وہ ان کی مکمل صلاحیت کا صرف 70 فیصد تھا، امید ہے کہ وہ اپنی مکمل فارم میں واپس آئیں گے اور وہی کارکردگی دکھائیں گے جس کے لیے وہ جانے جاتے ہیں۔