معروف شاعر ساقی امروہوی کا یومِ وفات(12دسمبر)

ساقی امروہوی:

نام سیدقائم رضا اور تخلص ساقیؔ تھا۔ 1925ء کو اترپردیش کے امروہا شہر میں پیدا ہوئے۔
ان کے والد سید علی قاسم اور دادا سید علی اسلم جاگیردار تھے۔
ساقیؔ کے والدین کی خواہش تھی کہ ان کا بیٹا پڑھ لکھ کر بڑا مقام حاصل کرے۔ جب وہ پڑھنے لکھنے کے قابل ہوئے تو لکھنا پڑھنا چھوڑ کر اکھاڑوں میں کشتی لڑنے اور مشاعروں میں جانے کا شوق پیدا ہو گیا۔ الغرض ساقیؔ شاعری کی طرف راغب ہو گئے۔
تقسیم ہند کے بعد ساقیؔ امروہوی ہجرت کر کے پاکستان چلے گئے اور کراچی میں مستقل رہائش اختیار کی۔ کراچی میں ذریعۂ معاش کی تلاش کے لئے سرگرداں رہے۔ تعلیم نہ ہونے کے سبب کوئی ملازمت وغیرہ نہ مل سکی۔ البتہ کچھ دن میونسپل کارپوریشن میں ملازم رہے۔
ساقیؔ امروہوی نے شاعری تو بچپن ہی سے شروع کر دی تھی لیکن باقاعدہ اصلاح پاکستان میں کہنہ مشق شاعر میر جواد علی سے لی۔ انہیں کو وہ اپنا استاد کہتے تھے۔

احتجاج فلاپ،شاہراہیں کھلی رہیں، پی ٹی آئی کا کوئی انقلابی کہیں نظر نہیں آیا: عظمٰی بخاری

ساقیؔ امروہوی 12دسمبر 2005 کو کراچی میں انتقال کر گئے۔

نمونۂ کلام

منزلیں لاکھ کٹھن آئیں گُزر جاؤں گا
حوصلہ ہار کے بیٹھوں گا تو مر جاؤں گا

چل رہے تھے جو مرے ساتھ کہاں ہیں وہ لوگ
جو یہ کہتے تھے کہ رستے میں بِکھر جاؤں گا

در بدر ہونے سے پہلے کبھی سوچا بھی نہ تھا
گھر مجھے راس نہ آیا تو کِدھر جاؤں گا

بیلجیئم, پاکستان تحریک انصاف کا یورپی پارلیمنٹ کے سامنے احتجاجی مظاہرہ

یاد رکھے مجھے دنیا تری تصویر کے ساتھ
رنگ ایسے تری تصویر میں بھر جاؤں گا

لاکھ روکیں یہ اندھیرے مرا رستہ لیکن
میں جِدھر روشنی جائے گی اُدھر جاؤں گا

راس آئی نہ محبت مجھے ورنہ ساقیؔ
میں نے سوچا تھا کہ ہر دِل میں اُتر جاؤں گا

تعمیرا ور دفاع وطن کی کاوشوں میں بیٹیاں کسی سے کم نہیں :مریم نواز

شاعر: ساقی امروہوی