دیکھ لو شوقِ نا تمام مرا
غیر لے جائے ہے پیام مرا
دیکھنا کثرتِ بلا نوشی
کاسۂ آسماں ہے جام مرا
رتبہ افتادگی کا دیکھو ہے
عرش کے بھی پرے مقام مرا
ہو کے یوسف جو دل چراتے ہو
کون ہو جائے گا غلام مرا
تو نے رسوا کیا مجھے اب تک
کوئی بھی جانتا تھا نام مرا
بندگی کام آ رہی آخر
میں نہ کہتا تھا کیوں سلام مرا
زانوئے بت پہ جان دی دیکھا
مومنؔ انجام و اختتام مرا
شاعر: مومن خان مومن
(شعری مجموعہ: دیوانِ مومن؛مرتبہ،انوارالحسن،سالِ اشاعت،1971)
Dekh Lo Shaoq-e-Na Tamaam Mira
Ghair Lay Jaaey Hay Payaam Mira
Dekhna Kasrat-e-Balaa Noshi
Kaasa-e-Aasmaan Hay Jaam Mira
Rutbah Uftaadgi Ka Dekho
Arsh K Bhi Paray Maqaam Mira
Ho K Yousaf Jo Dil Churaatay Ho
Kon Ho Jaaey Ga Ghulaam Mira
Tu Nay Ruswa Kiya Mujhay Ab Tak
Koi Bhi Jaanta Tha Naam Mira
Bandagi Kaam Aa Rahi Aakhir
Main Na Kehta Tha Kiun Salaam Mira
Zaanoey-e-But Pe Jaan Di Daikha
MOMIN Ajnaam-o-Ikhtataam Mira
Poet: Momin Khan Momin