سنیپ چیٹ پر بھارتی وزیر اعظم کا کارٹون بنا کر ٹوئٹ کرنے پر معروف کامیڈین کے خلاف مقدمہ درج
ممبئی (ڈیلی پاکستان آن لائن)سوشل میڈیا پرآئے روز جدید ترین فیچرز متعارف کرائے جا رہے ہیں ، سوشل میڈیا صارفین کی سیلفی کی عادت کو دیکھتے ہوئے نئے فلٹرز کے علاوہ سنیپ چیٹ کو متعارف کرایا گیا، سنیپ چیٹ تو لوگوں کی زندگیوں میں مسکراہٹیں اور خوشیاں پیدا کرنے کے لئے آیا تھا مگر اسی فیچر کا استعمال آپ کو مسائل سے بھی دوچار کر سکتا ہے ، کچھ ایسا ہی واقعہ بھارت کی مشہور کامیڈین تنمے بھٹ کے ساتھ ہوا جب انہوں نے سنیپ چیٹ کا ڈاگ فلٹر استعمال کرتے ہوئے بھارتی وزیر اعظم نریندر مودی کو تنقید کا نشانہ بنایا ، مودی کی تصویر اپنے ٹوئٹر اکاﺅنٹ پر شئیر کرنے کے بعد ممبئی پولیس نے کامیڈین کے خلاف مقدمہ درج کرکے تحقیقات شروع کردیں ۔
Everyone please share this picture of Narendra Modi in a Snapchat dog filter & make it go viral. Not a crime in this country to mock the PM. pic.twitter.com/WCBXgrAbIg
— Hardik Rajgor (@Hardism) July 14, 2017
تفصیلات کے مطابق ممبئی پولیس نے معروف کامیڈین تنمے بھٹ کے خلاف وزیر اعظم نریندر مودی کی تصویر کو سنیپ چیٹ کے ذریعے موڈیفائی کرنے پر مقدمہ درج کر لیا۔ انہوں نے بھارتی وزیر اعظم کے بیرونی ممالک کے دورے کو تنقید کا نشانہ بناتے ہوئے #Wanderlustکے ہیش ٹیگ کے ساتھ وزیر اعظم کی موڈیفائڈ تصویر ٹوئٹ کردی۔
PS: Will continue making jokes. And deleting if necessary. And making jokes again. And Apologizing if necessary. Don't care what you think.
— Tanmay Bhat (@thetanmay) July 13, 2017
بھارتی کامیڈین نے سنیپ چیٹ کا ڈاگ فلٹر استعمال کیا جس میںوزیر اعظم مودی کے ماتھے پر کتے کے کان اور ناک کی جگہ کتے کی ناک لگا دی، یہی نہیں انہوں نے موڈیفائڈ تصویر کو اپنے ٹوئٹر اکاﺅنٹ پر ٹوئٹ بھی کردیا، ان کی جانب سے ٹوئٹ کرنے کے فوری بعد ہندو انتہاءپسند میدان میں آگئے اور کامیڈین کو تنقید کا نشانہ بنانا شروع کردیا ، کامیڈین نے انتہا پسندوں کی جانب سے تنقید کے بعد اپنا ٹوئٹ تو ڈیلیٹ کردیا مگر اس کے فوری بعدانہوں نے کہا کہ میری جانب سے ایسے مذاق جاری رہیں گے مجھے اس بات سے فرق نہیں پڑھتا کہ آپ لوگ میرے بارے میں کیا سوچتے ہیں ،میری اپنی رائے ہے اور آپ کی اپنی رائے، ہر انسان کو اپنے رائے کے ساتھ جینے کا حق حاصل ہے۔
