انسداد دہشت گردی کی عدالت نے مذہبی منافرت پھیلانے پر مسجد کے خطیب کو 14سال قید ،80ہزار روپے جرمانے کی سزا سنا دی
لاہور(نامہ نگار)انسداد دہشت گردی کی عدالت کے جج ہارون لطیف نے اشتعال انگیز لٹریچر تقسیم کرنے اور مذہبی منافرت پھیلانے کے مقدمہ میں ملوث مسجد کے خطیب کو 14سال قید اور 80ہزارروپے جرمانے کی سزا کا حکم سنا دیا ہے ۔انسداد دہشت گردی کی عدالت میں تھانہ نارنگ منڈی پولیس نے مقامی مسجد کے خطیب مولانافضل الرحمن کے خلاف اشتعال انگیز لٹریچر تقسیم کرنے اورعلاقے میں مذہبی منافرت پھیلانے کے الزام میں چالان پیش کررکھا ہے۔ عدالت میں چالان آنے پر باقاعدگی سے سماعت ہوئی جس پرعدالت نے جرم ثابت ہونے پر مولانا فضل الرحمن کو 14سال قید اور 80ہزارروپے جرمانے کی سزا کا حکم سنا دےاہے ۔
