قرارداد لاہور کا مقصد کے موضوع پر تقریبات یوم پاکستان کا انعقاد آج ہو گا
لاہور(پ ر) قراردادپاکستان (1940ء)کی منظوری کے76سال مکمل ہونے پر نظریۂ پاکستان ٹرسٹ کے زیر اہتمام ایوان کارکنان تحریک پاکستان، شاہراہ قائداعظمؒ لاہور میں’’ تقریبات یوم پاکستان‘‘ کاانعقاد کیا جا رہا ہے۔ ن تقریبات کے آغاز پر آج ساڑھے دس بجے صبح خصوصی لیکچر بعنوان ’’ قرارداد لاہور کا مقصد۔ جدید اسلامی ‘جمہوری‘ فلاحی ریاست کا قیام‘‘ منعقد ہو رہا ہے۔ اس پروگرام کی صدارت تحریک پاکستان کے مخلص کارکن، سباق صدر اسلامی جمہوریہ پاکستان و چیئرمین نظریۂ پاکستان ٹرسٹ محمد رفیق تارڑ کریں گے ۔ پروگرام کے مہمان خاص صوبائی وزیر تعلیم رانا مشہود احمد خان ہو ں گے جبکہ کلیدی مقرر سابق صدر لاہور ہائی کورٹ بار صاحبزادہ سید کلیم احمد خورشید ہیں۔’’ تقریبات یوم پاکستان‘‘ کے دوران مختلف موضوعات پرخصوصی لیکچرز، تعلیمی اداروں کے طلبا و طالبات کے مابین انعامی مقابلہ جات اور خصوصی تقاریب کا انعقاد کیا جائے گا۔ان تقریبات کا انعقاد تحریک پاکستان ورکرز ٹرسٹ کے اشتراک سے کیا جا رہا ہے۔
