ایبٹ آبادمیں آتشزدگی کے باعث 4کم سن بہن بھائی جاں بحق

ایبٹ آباد(ڈیلی پاکستان آن لائن)ایبٹ کے علاقے سبزی منڈی میں گھرمیں آتشزدگی کے باعث 4کم سن بہن بھائی جاں بحق ہوگئے۔ 
ڈان نیوز کے مطابق سبزی منڈی کے علاقے میں واقع گھر کی انگیٹھی میں لگنے والی آگ نے پوری عمارت کو اپنی لپیٹ میں لے لیا جس کے باعث 4بہن بھائی جاں بحق جبکہ بچوں کے والدین سمیت4افراد زخمی ہوگئے ۔ واقعے کی اطلاع ملتے ہی امدادی ٹیمیں موقع پر پہنچ گئیں اور آگ پر قابو پایا، زخمیوں کوابتدائی طبی امداد کے لیے ہسپتال منتقل کردیا گیا ہے۔
جاں بحق ہونیوالوں میں 1ماہ کا شعیب، 2سال کا عثمان ، 2سال کی آسیہ اور 8سالہ مریم شامل ہیں۔