کراچی: نامعلوم افراد کا غیر ملکی ریسٹورنٹ کی چین پر پتھروں اور ڈنڈوں سے حملہ
کراچی (ڈیلی پاکستان آن لائن )کراچی میں نامعلوم افراد کی جانب سے غیر ملکی ریسٹورنٹ کی چین پر پتھروں اور ڈنڈوں سے حملہ کیا گیا۔
نجی ٹی وی جیونیوز نے پولیس کے حوالے سے بتایا کہ شہر میں تین مختلف مقامات پر نامعلوم افراد نے غیر ملکی چین ریسٹورنٹ پر حملہ کیا تاہم ان واقعات میں کوئی جانی نقصان نہیں ہوا اور مشتعل افراد فرار ہوگئے۔
پولیس کا بتانا ہے کہ نامعلوم افراد نے فوڈ چین ریسٹورنٹ پر پتھروں اور ڈنڈوں سے توڑ پھوڑ کی، توڑ پھوڑ کے واقعات نیشنل سٹیڈیم کے قریب محمد علی کالونی اور بہادر آباد چار مینار چورنگی پر پیش آئے۔
پولیس کے مطابق واقعہ میں ملوث کوئی بھی ملزم گرفتار نہیں ہوسکا جبکہ متاثرہ ریسٹورنٹس کے باہر پولیس کی نفری تعینات کردی گئی ہے۔
