نیٹو میں امریکی فوجی نمائندے کو برطرف کردیا گیا

واشنگٹن (ڈیلی پاکستان آن لائن) امریکی محکمہ دفاع پینٹاگون نے  اس بات کی تصدیق کی ہے کہ نیٹو میں تعینات ایک اعلیٰ امریکی افسر کو ان کے عہدے سے برطرف کر دیا گیا ہے۔ یہ فیصلہ  صدر ڈونلڈ ٹرمپ کی انتظامیہ کی جانب سے فوجی قیادت میں کی جانے والی حالیہ برطرفیوں کی کڑی ہے۔

خبر ایجنسی اے ایف پی کے مطابق امریکی محکمہ دفاع کے ترجمان شان پارنل نے ایک بیان میں بتایا کہ وزیر دفاع پیٹ ہیگستھ نے امریکی بحریہ کی وائس ایڈمرل شوشانا چیٹ فیلڈ کو نیٹو کی فوجی کمیٹی میں امریکہ کی نمائندگی کے عہدے سے ہٹا دیا ہے۔ ان کے بقول یہ اقدام ان کی قیادت کی صلاحیت پر اعتماد ختم ہونے کے باعث کیا گیا ہے۔