پیپلز پارٹی کے سینئر رہنما تاج حیدر انتقال کرگئے
کراچی ( ڈیلی پاکستان آن لائن )پاکستان پیپلز پارٹی (پی پی پی) کے سینئر رہنما تاج حیدر مختصر علالت کے بعد 83 برس عمر میں انتقال کر گئے۔
اہل خانہ کے مطابق پیپلز پارٹی کے رہنما تاج حیدر مقامی ہسپتال میں زیر علاج تھے،، ان کی نماز جنازہ(آج) 9 اپریل کو بعد نماز ظہرین مسجد و امام بارگاہ یثرب فیز 4 ڈیفنس سوسائٹی میں ادا کی جائیگی۔
تاج حیدر 8 مارچ 1942 کو کوٹہ، راجستھان کے علمی گھرانے میں پیدا ہوئے، ابتدائی تعلیم گورنمنٹ بوائز ہائی سکول، رنچھور لائنز کراچی سے حاصل کی۔ٹیلی وژن کےلیے لکھا اور مختلف اخبارات میں کالم بھی تحریر کیے۔
تاج حیدر نے 1967ء میں باقاعدہ طور پر پاکستان پیپلز پارٹی میں شمولیت اختیار کی۔انہیں 2012 میں ستارہِ امتیاز برائے سائنسی خدمات سے نوازا گیا جبکہ 2006 میں 13واں پی ٹی وی ایوارڈ برائے مصنف بہترین ڈراما سیریل بھی دیا گیا۔
