جعفریہ حج ، عمرہ وزیارات نے حج کوٹہ کے فارمولے کو مسترد کر دیا
لاہور(ڈویلپمنٹ سیل)جعفریہ حج ، عمرہ وزیارات پاکستان نے حج2017ء کے لیے وفاقی وزیر مذہبی امور کا سرکاری اور پرائیویٹ حج سکیم کے حج کوٹہ کی 60 اور 40 فیصد تقسیم کا فارمولہ مسترد کر دیا ،ہوپ کی سرکاری اور پرائیویٹ کوٹہ کی تقسیم پچاس پچاس فیصد رکھنے کی قرار داد اور آپریشن رد الفساد کی حمایت کا اعلان کیا ہے ،2013ء میں کاٹا گیا حج کوٹہ انہی کمپنیوں کو دینے، جن کاکوٹہ کاٹا گیا تھا،50والوں کا حج کوٹہ 100کرنے اورحج پالیسی 2017ء کا فوری اعلان کرنے کا مطالبہ کیا ہے،ڈاکٹرعلامہ محمد حسین اکبرکی زیر صدارت جعفریہ حج عمرہ وزیارات پاکستان پنجاب کے لاہور میں ہونے والے اجلاس میں اہم فیصلے کر لیے گئے،اجلاس میں علامہ رائے ظفر علی،الحاج منظور حسین جعفری،علامہ سید علی رضا نقوی،سید محمد کاظم موسوی،خادم حسین جعفری،ملک حسین جعفری،شفقت حسین بھٹہ،علامہ مظہر علوی، سید ظہور شاہ،محمود عباس،رائے محمد طیب،سید سبطے الحسن،ملک محمد حسین رضا نے شرکت کی،جعفریہ حج و عمرہ و زیارات کے رہنماوں نے لاہور ہائیکورٹ کے شیعہ حجاج کے حوالے سے فیصلے پر عمل درآمد کرنے اور حج پالیسی 2017ء کا حصہ بنانے کا مطالبہ کیا ہے کہا گیا ہے لاہور ہائیکورٹ کے فیصلے کے مطابق شیعہ حجاج کی ٹریننگ کے لیے مانگے گئے ناموں کی فہرست وزارت مذہبی امور کو ای میل کر دی گئی ہے ،سرکاری اور پرائیویٹ شیعہ حجاج کے مسائل کے حل کے لیے علامہ رائے ظفر علی کو متفقہ طور پرکوارڈنیٹر مقرر کیا گیا ہے جو وزارت سے رابطے میں رہیں گے اجلاس میں ہوپ کے تمام مطالبات کی حمایت کا اعلان کیا گیا اور کہا گیا کہ2013، میں وزارت مذہبی امور اور وفاقی وزیر خزانہ اسحاق ڈار کے درمیان ہونے والے معاہدے پر عمل درآمد کیا جائے اور حج 2016ء کی طرح حج2017ء میں سرکاری اور پرائیویٹ حج کوٹہ کی تقسیم پچاس پچاس فیصد رکھی جائے اور50افراد کا کوٹہ رکھنے والوں کی مشکلات کا احساس کیا جائے اور ان کا کوٹہ کم ازکم 2بسوں کا کیا جائے اور حج پالیسی کا اعلان فوری کیا جائے تاخیر کی وجہ سے حج اپریشن متاثر ہو سکتا ہے۔
