اسرائیل کا غزہ کی بجلی بند کرنے کا فیصلہ، حماس کا شدید ردعمل

غزہ (ڈیلی پاکستان آن لائن )اسرائیل نے گزشتہ ہفتے غزہ جانے والی امداد روکنے کے بعد اب جنگ زدہ غزہ کی بجلی بھی منقطع کرنے کا فیصلہ کیا ہے۔
نجی ٹی وی جیو نیو ز نے غیر ملکی خبر ایجنسی کے حوالے سے بتایا کہ غزہ کی بجلی منقطع کرنے کا اعلان اسرائیلی وزیر توانائی ایلی کوہین کی جانب سے کیا گیا۔ حماس نے اسرائیلی اقدام کو بلیک میلنگ قرار دیتے ہوئے کہا کہ اسرائیل کی جانب سے غزہ کی بجلی منقطع کرنے کا فیصلہ ناقابل قبول ہے اور اسرائیل ایسا یرغمالیوں کی رہائی کے لئے دباﺅ ڈالنے کے لئے کررہا ہے۔
دوسری جانب غزہ میں جنگ بندی معاہدے کے دوسرے مرحلے کی بات چیت کے لئے اسرائیلی وفد آج قطری دارالحکومت دوحا جائے گا۔ 
اس حوالے سے امریکی سفیر ایڈم بوہلر (Adam Boehler) نے کہاکہ امریکا حماس بات چیت پر اسرائیل کی تشویش کو سمجھتا ہے مگر یہ ایسا معاہدہ ہوگا جس کے تحت امریکی ہی نہیں تمام یر غمالی رہاہوسکیں گے۔