جرمنی کی جونیئر ہاکی ٹیم کا پاکستان آنا خوش آئند،رانا مجاہد
لاہور(این این آئی)سیکریٹری پی ایچ ایف رانا مجاہد نے جرمنی کی جونیئر ہاکی ٹیم کا پاکستان آنا خوش آئند قرار دے دیا۔انہوں نے کہا ہے کہ جرمنی ہاکی کی دنیا کا بڑا نام ہے، اب مزید ٹیمیں بھی پاکستان آئیں گی۔صدر پنجاب ہاکی آصف باجوہ کا کہنا ہے کہ یہ دورہ پاکستان ہاکی کے لیے بریک تھرو ثابت ہو گا، جرمنی جیسے چیمپئن ملک کی ٹیم کے آنے سے دنیا میں اچھا تاثر جائے گا۔سینئر ٹیم ہیڈ کوچ طاہر زمان نے کہا کہ 21 برس بعد جرمنی کی ٹیم نے پاکستان کا دورہ کیا ہے، جونیئر ورلڈ کپ کے لیے پاکستان ٹیم کو تیاری کا اچھا موقع مل رہا ہے۔انہوں نے کہا بہت جلد پاکستان کی ہاکی ٹیم دنیا بھر میں کامیابیوں کے جھنڈے گاڑے گی۔
