ترکمانستان میں پاکستان کے سفیرکو امریکہ سے ڈی پورٹ کردیا گیا،سفارتی ذرائع
اسلام آباد (مانیٹرنگ ڈیسک)ترکمانستان میں پاکستان کے سفیر احسن وگن کو امریکی شہر لاس اینجلس سے واپس ڈی پورٹ کردیا گیا۔سفارتی ذرائع کے مطابق پاکستان کے ترکمانستان میں تعینات سفیر کو امریکا میں داخلے سے روک دیا گیا۔سفارتی ذرائع کا کہنا ہے کہ احسن وگن کے پاس امریکی ویزا اور تمام قانونی سفری دستاویزات موجود تھیں، احسن وگن چھٹیوں پر لاس اینجلس جارہے تھے، امریکی امیگریشن حکام نے احسن وگن کو لاس اینجلس ائیرپورٹ پر روکا تھا۔ذرائع کا دعویٰ ہے کہ امریکی سسٹم میں پاکستانی سفیر پر متنازع ویزا ریفرنسز کا اعتراض موجود تھا۔ وزیر خارجہ اسحاق ڈار اور سیکرٹری خارجہ آمنہ بلوچ کو واقعے کے بارے میں مطلع کردیا گیا ہے۔ذرائع کے مطابق وزارت خارجہ نے لاس اینجلس میں پاکستانی قونصلیٹ کو معاملے کی جانچ پڑتال کی ہدایت کردی ہے۔
ڈی پورٹ
