اداکارہ جویریہ سعود دوران شو سرفراز احمد سے غیر مناسب سوال پوچھنے والے کالر پر برس پڑیں
کراچی (ویب ڈیسک)پاکستان کی معروف اداکارہ جویریہ عباس نے رمضان ٹرانسمیشن کے دوران ٹیلیفون کال پر موجود شخص کو سرفراز احمد سے غیر مناسب سوال پوچھنے پر اسے ڈانٹ پلا دی ۔
تفصیلات کے مطابق پاکستان کرکٹ ٹیم کے سابق کپتان سرفراز احمد ان کے شو میں مہمان تھے اور انہوں نے کھیلوں سے کنارہ کشی اختیار کرتے ہوئے اپنی مذہبی روح کے بارے میں بات کی۔شو میں مداحوں کی کالیں بھی وصول کی جاتی ہیں۔ لائیو شو کے دوران ایک شخص نے کال کی اور سرفراز احمد کی انگریزی زبان پر کمان کے حوالے سے سوال کیا۔
انہوں نے سوال کیا کہ انہوں نے دیکھا ہے کہ جب کرکٹر کو انگریزی میں بات کرنی ہوتی ہے تو وہ کس طرح گھبرا جاتا ہے اور کیا انہیں یہ میچ سے زیادہ مشکل لگتا ہے؟اس سوال پر سرفراز احمد کے جواب دینے سے پہلے ہی جویریہ سعود نے طنزیہ انداز میں کالر کو ڈانٹ پلادی۔
جویریہ سعود نے کہا کہ انگریزی سے تو وہ بھی بہت گھبرا جاتی ہیں، انہوں نے کبھی بھی دوسرے ممالک کے لوگوں کو انگریزی نہ بولنے پر دوسروں کو شرمندہ ہوتے نہیں دیکھا۔ وہ اپنی زبان پر فخر کرتے ہیں۔
جویریہ نے مزید کہا کہ، انگریزی میں بات کرنا برتری یا فضیلت کی علامت نہیں ہے۔ ہمیں اردو بولنے پر فخر کرنا چاہیے جو ہم روانی سے نہیں بولتے۔ انہوں نے لوگوں کو اپنے ہیروز کا احترام کرنے کا مشورہ بھی دیا۔اس دوران سرفراز احمد نے بھی لقمہ دیا کہ بھائی یہ جو لائیو کیمرہ ہے نا، یہ انسان کو کئی چیزیں بُھلا دیتا ہے۔
حالیہ چند روز سے جہاں پاکستانی کرکٹرز ناقص کارکردگی کے سبب تنقید کی زد میں ہیں وہیں انکی انگریزی بولنے میں مہارت بھی موضوع بحث بنی ہوئی ہے، حتیٰ کہ کئی لوگوں نے انہیں انگریزی بولنے سے گریز کرنے کے مشورے بھی دے ڈالے۔
کچھ دن قبل پاکستانی اداکار تابش ہاشمی نے بھی قومی کرکٹ ٹیم کے کپتان محمد رضوان سے درخواست کی تھی کہ وہ پریس کانفرنسز میں انگریزی بولنے کے بجائے اردو استعمال کریں۔
تابش ہاشمی کا کہنا تھا کہ محمد رضوان کو انگریزی میں بات کرنے کی بجائے اپنی زبان اردو میں بات کرنی چاہیے تاکہ وہ عوام کی بہتر نمائندگی کر سکیں اور ان کی باتیں زیادہ واضح ہوں۔
اداکار اعجاز اسلم نے بھی محمد رضوان کو مشورہ دیا تھا کہ اگر انگریزی نہیں آتی تو انہیں اردو بولنے میں کوئی عار نہیں ہونی چاہیے اور انہیں اپنی قومی زبان کو فروغ دینا چاہیے۔
