یوکرین کا روس پر اب تک کا سب سے بڑا ڈرون حملہ

ماسکو(ڈیلی پاکستان آن لائن )یوکرین نے روسی دارالحکومت ماسکو پر اب تک کا سب سے بڑا ڈرون حملہ کیا ہے۔ 
نجی ٹی وی جیونیوز نے غیر ملکی خبر ایجنسی کے حوالے سے بتایاکہ یوکرین نے ماسکو پر بڑے پیمانے پر ڈرون حملے کئے جس کے نتیجے میں ایک شخص کی ہلاکت ہوئی ہے جبکہ 3 افراد زخمی بھی ہوئے ہیں۔ 
اس حوالے سے روسی وزارت دفاع کا کہنا ہے کہ راتوں رات کئی علاقوں میں 337 یوکرینی ڈرون مار گرائے جبکہ یوکرین کی سرحد سے ملحق کرسک کے علاقے میں مزید 126 ڈرون بھی مار گرائے ہیں۔ 
واضح رہے یہ حملے ایک ایسے وقت میں ہوئے ہیں جب روس اور یوکرین کے درمیان جنگ بندی کی کوششیں جاری ہیں اور اس حوالے سے سعودی ارب میں مذاکرات کا آغاز ہونے جارہا ہے جس کے لئے امریکی وزیرخارجہ مارکو روبیو اوریوکرینی صدر زیلنسکی بھی سعودی عرب پہنچ چکے ہیں۔